شعر من كتبابتى

السلام عليكم

ازيكم جميعا

اتمنى تكونوا بخير

ده شعر من كتابتى

وعلى فكرة هو بالعامية عشان متتفاجئوش


اتمنى يعجبكم وتقولوا رايكم بصراحة

يعنى لو حلو قولوا حلو لو وحش قولوا اية القرف ده


يلا نبدأ


هقوولكم اسمه اهوة


يا رب متتفجئوش

اسمه

يا ريسنا حوش حوش

















يا ريسنا حوش حوش فى ناس من الفقر بتبوش

واحد من الف لقى شغل والالف التانى ملقوش

والناس فقيرة جعانة ومبيكلوش

والاكل صنية هم والمر عليها مرشوش

والمية فيها امراض والناس شربوا ومستنوش




يا ريسنا حوش حوش الناس من السفر بتبوش

الشعب طفش برا لسه شوية مطفشوش

ال اية سافر يجيب فلوس وبلاد برا مدهوش

البلد خيرها كتير بس هما ميعرفوش

عشان الكبار واكنهاوالعة ومش سايبين للى معيهوش

خلاص ملوا الخزاين والجيوب والكروش

بعد ما خلص ع البلد لسه برضوا مكفهوش







ياريسنا حوش حوش الناس من المرض بتبوش

سايبنا للطيور والخنازير واللى لسه مجوش

والطعون والتيفود واللى لسه مقولناهوش

لسه هييجي اية تانى ده الشعب بقى مفيهوش




يا ريسنا حوش حوش الطلبة فى المدارس بتبوش

المدرسين شاريين دماغهم سواء العيال فهموا ولا مفهموش

عاملين انه فارق معاهم بس لا ميفرقوش

اللى يفرق معاهم بس هو الجنيهات والقروش

اللى ياخد درس يلاقى الورد والريحان مفروش

واللى ميخدش يا خد على قفاه وفوق دماغه بالشاكوش





يا ريسنا حوش حوش وكلامى عن الطلبة مخلصتوش

صعبوا عليهم المناهج والتنسيق والثانوية

وبعد كده يسألوهم ع الدرجات ليه مقفلتوش

الجامعة بقت حلم صعب نفسهم فيه ومعشوهوش





يا ريسنا طمنا قلنا متخافوش محتاجينك معانا طالما الكبار مخلوش

بياكلوا فينا وفى البلد زى الوحوش

يا ريسنا حوش حوش انا قلمى من الشكوى هيبوش

وورقى خلص بس الكلام مكملتوش

بس هسكت مع ان الرشوة والفساد مكتبتوش

هستنى ردك ده كلامى ارجوك متنساهوش

البلد بتضيع مننا ده تحذير متنشوش

يا ريسنا والنبى حوش حوش